Torkjel Segberg

Torkjel Segberg
Født:	29. oktober 1936
Død:	2. november 2022 (86 år)

Torkjel Segberg (fødd 29. oktober 1936, død 2. november 2022) vaks opp på Heggtveit i Kleivegrend i Åraksbø og arbeidde heime den fyrste tida. Då han var 28 år, begynte han på Kristiansand Jernstøperi, men sidan fekk han seg jobb i Kristiansand kommune i Ingeniørvesenet, der han var i nærare 20 år. I 1967 gifta han seg med Gudrun Segberg, dei leigde ei stund hus i Kristiansand og Vennesla før dei bygde hus i Øvrebø. Han var med i Vennesla kommunestyre for Arbeiderpartiet, og han har og møtt i Bygland kommunestyre, i eldrerådet og kontrollutvalet.

I 1963 sette han opp hus ved barndomsheimen, og då han vart pensjonist i 1995, flytta han og kona dit. Som pensjonist har han engasjert seg i skogsarbeid, bygdesogearbeid og målsak.

Kjelder

• Sigurd Haugsgjerd: Torkjel Segberg 75 år. Artikkel i Setesdølen nr. 85, 2011 side 11
• Reidar Vollen, Bygland gard og ætt, bind V, 2008, side 384–386
• Sigurd Haugsgjerd, Ein sogemann er gått ut av tida, minneord over Torkjel Segberg i Setesdølen nr. 83, 2022, side 2