Vollan Kjetså (Evje og Hornnes gnr. 17 bnr. 2)

Vollan med det nedlagte småbruket Skarkleiv t.v. og Hannåsvollen Gård t.h.

Foto: Geir Daasvatn

Vollan i framgrunnen. Bak til venstre Skarkleiv. Til høgre bustadhuset til Alf Georg Kjetså.

Foto: Geir Daasvatn

Vollan er eit gardsbruk i Øvregarden på Kjetså i Hornnes.

Historie

Bruket kom til ca. 1851, då grunnen blei fråskild bnr. 1 på Øvre Kjetså. Noko jord kom også frå bruket Der Inne Aust på Nedre Kjetså. Første eigaren var Ola Alfson Kjetså. Sonen Alf Olson Kjetså overtok bruket etter faren. Han var mellom anna ordførar i Hornnes kommune i seks år (1902-1907). Etter Alf Olson overtok sonen Olaf Alfson Kjetså bruket. Etter Olaf igjen hadde sonen Alf Georg Kjetså bruket. Alf Georg er pensjonert rektor og ein kjend kulturberar i Evje og Hornnes. Men Alf Georg bygde seg ny bustad på garden for mange år sidan, og sonen Olaf Kjetså har eigedomen i dag.

Kjelder

• Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 408–409

Kart

• Kjetså med Vollan på Norgeskart.no