Haugen (Evje og Hornnes gnr. 15/10 mfl.)

Hornnes-garden. Bustaden og uthusa i Haugen er til høgre i biletet.

Foto: Irene Falck Jensen

Haugen ein vakker vinterdag i januar 2016.

Foto: Geir Daasvatn

Haugen er eit gardsbruk (gnr. 15, bnr. 10 m.fl) under Hornnes (Evje og Hornnes gnr. 15) i Evje og Hornnes kommune. Haugen ligg som namnet syner på eit lite høgdedrag noko sør-vest for Hornnes kyrkje. Dagens eigar av Haugen (2022) er John Hornnes (fødd 1982). Han overtok heimelen til garden etter faren Notto Hornnes i 2021.

Historie

Hornnes-garden er truleg mellom dei eldste i Setesdal. Haugen vart eige bruk ca. 1650. Ola N. Hornnes (fødd ca. 1604) var den første eigaren. Han var son til lensmann Notto S. Hornnes og Mari Hornnes. Ein yngre bror til Ola, Salve N. Hornnes, fekk den andre delen av garden, Lunnen.

Evje og Hornnes Sparebank vart etablert i Haugen i 1864. Postopneriet i Hornnes var i Haugen frå 1865 til 1928. Postopnarar i desse åra var først John N. Hornnes og etter han sonen Notto J. Hornnes.

Kjelder

• Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, s. 330-353
• Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, s. 318
• Sigurd Haugsgjerd, 150 år. Evje og Hornnes Sparebank 1864-2014, 2016, side 11
• Elektronisk grunnbok hos Statens Kartverk