Borgi (Bygland gnr. 26 bnr. 1)

Fra Setesdalswiki
Share/Save/Bookmark
Hopp til: navigasjon, søk
Huset som står i Borgi i dag. Det vart sett opp i 1902, men er ikkje det eigentlege våningshuset på garden.
Bygda i Åraksbø langs bygdevegen. Borgi ligg rett over vegen for den svære gule bygningen som tidlegare husa Åraksbø Samyrkelag. Haugenloftet ligg om lag midt i biletet.
Foto: Geir Daasvatn

Borgi («Nord i Borgi») er eit tidlegare gardsbruk (gnr. 26 bnr. 1) i garden Stoplestog i Bygda i Åraksbø i Bygland. Borgi var opphaveleg eitt av dei tre hovedbruka i garden. Men bruket blei delt opp i mindre stykke etter andre verdskrigen, og Borgi blei borte som eige gardsbruk. Att i dag står bare ei heiemark sør for Topsæ og eit hus på ei lita tomt rett ved bygdevegen gjennom Åraksbø.

Heimelshavarar til eigedomen (2017) er Anne T. Haugen, forfattaren Paal-Helge Haugen, Liv Haugen og Torgrim Nordgarden, med ein fjerdedel kvar. Desse fire, eller arvingane deira, eig altså det som er att av Borgi. Sameiga blir kalt «Borgesameiga».

Historie[rediger]

Våningshuset på gardsbruket brann ned i 1944. Den som budde der då var Anne Torsdotter Borgi. I 1945 skulle Anne Torgeirsdotter Haugen og Torleiv Olavson Haugen flytte inn i det nye huset som var bygd etter brannen i 1944. Men dagen før dei skulle flytte inn, brann også dette nye huset. Etter denne andre brannen blei det ikkje sett opp våningshus på garden.

Men Torbjørn Torson Borgi hadde i 1902 fått lov av far sin Tor Olavson Frøysnes, som då eigde Borgi, til å sette opp eit «ekstra» bustadhus på eigedomen. Det er det raude huset som står på eigedomen i dag, tett ved bygdevegen. Torbjørn var gift med Anne Borgarsdotter Borgi (fødd Hovet). Dei hadde sju born. Mellom desse var spelemannen og bygdekunstnaren Olav Torbjørnson Borgi (1911-1991). Han kom til å overta huset etter foreldra. Dei siste åra han levde var han på alders og sjukeheimen i Valle. Etter at Olav flytta ut, har huset stått tomt.

Kjelder[rediger]