Varmedokka gruve

Frå Setesdalswiki
Versjonen frå 22. september 2018 kl. 21:40 av Geir Daasvatn (diskusjon | bidrag) (Formatering gallery)
Hopp til navigering Hopp til søk
Inngangen til gruva 22. september 2018.

Varmedokka grube var ei feltspat- og kvartsgruve eit stykke sør for Støledalsveien, på grunnen til bnr. 3, på garden Mølland (gnr. 45) i Iveland. Gruva kom tidleg i drift, og var i bruk minst til andre halvdel av 1960-talet. Mellom dei som har arbeidd i gruva er Hans Nygård, Aslak Nygård, Hans Olav Nygård, Torleiv Frigstad, Torbjørn Omdal, Gunnar T. Frikstad, Trygve Evelid og Eilef Mølland.

Krigshistorie

Det var etter kvart blitt ein opp mot 100 meter lang tunnel i Varmedokka. Under 2. verdskrigen blei tunnelen ei tid opphaldsstad for motstandsfolk som var på flukt frå tyskerane. Det var Tellef Fredriksen Aanesland og broren Oskar Fredriksen Aanesland som var her nokre veker våren 1943. Men det var risikabelt med tanke på trafikk av jegerar i området, og dei to flytta vidare til Frikstadheia og seinare Katerås. Det skal lenge ha ligge igjen ei madrass etter dei to Aanesland-gutane i tunnelen.

Kjelder

Kart

Laster kart...