Tveitebø heieveg
Tveitebø heieveg er ein skogsbilveg i Tveitebø i Valle. Vegen er open for allmenn trafikk mot betaling. Han tek til frå Espetveitsvegen og går i svingar bratt oppover lia til Stavedalen. Endepunktet ligg omtrent midt mellom Stavvatnet og Valevatn, om lag 975 moh. Hausten 2017 blei det bygd ny parkeringsplass for sommar- og vinterparkering ved starten av vegen. Vegen er eigd og drifta av Sameiet Tveitebø Heieveg.
Prisar
- Enkelttur 150 kr
- Årskort 750 kr
Turløyper
Det er parkeringsplass ved enden av vegen. Frå parkeringsplass kan ein følge sti rett austover mot Valevatn, gå nord for vatnet, forbi Steinbubakkane og vidare til ein møter merka turløype ved Gamasbø.
Eit anna alternativ er å følge sti nordover frå parkeringsplassen og inn i Stavvassdalen. Herfrå kan ein følge sti vidare til Gjuvvasstøylen. Her går det sti sørover i noko myrlent terreng til ein møter merka turløype ved brua over Finndøl i Finndalen.
Kjelder
- Facebooksida til Tveitebø Heieveg
- Plakat/oppslag ved starten av vegen
- Liste med kart over vegar i Valle på heimesida til Valle kommune
- Johan Christian Frøstrup (red.), Vandringer i Setesdal Austhei, Friluftsforlaget, 2014, side 127