Tveit-Krokå
Tveit-Krokå er ein knapt 4,6 kilometer lang strekning på Riksveg 9. Han startar litt sør for grenda Tveit nord i Bygland kommune og går til Krokå, som ligg heilt sør på Langeid i same kommunen. Strekninga hadde i 2011 ein årsdøgntrafikk på om lag 900 køyretøy. 12% av dette var tungtransport
Historikk
Opprusting av denne vegen starta hausten 2009. Arbeidet vart utført av Lindland Maskin AS frå Lyngdal, som vann anbodet i konkurranse med åtte andre entreprenørar. Anbodet var på 32,7 millionar, Vegen var ferdig i 2011. Første delen, frå Tveit til Heggland, vart opna i oktober 2010. Heile parsellen vart opna 22. september 2011 av avtroppande fylkesordførar Laila Øygarden.
Som del av arbeidet med vegen måtte det rivast sju bygningar, mellom anna ei hytte og tre eldre uthus. Det vart i tillegg rydda 100.000 kvadratmeter vegetasjon. Strekninga har 1200 løpemeter autovern og fire busslommar. To av desse har leskur type Setesdal. I alt er det tilført 140.000 kubikkmeter finsprengt fjell frå Falknut. Det er dessutan flytta på 120.000 kubikkmeter lausmasse internt i anlegget. Dei 2,6 kilometer veg har 4800 meter kabelgrøfter og 2200 meter overvannsgrøfter.
Andre anbod
- AF K-Strømme i Oslo
- Risa AS, som har avdeling i Setesdal
- Bdr. Alseth, Rjukan
- Trafikk og Anlegg, Kristiansand
- TT Anlegg i Marnardal
- ANT i Tinn
- Ropstad i Søgne
- Hab Construction i Oslo
Sjå også
Kjelde
- Ole Birger Lien: Ni verksemder vil bygge ut Tveit-Krokå Artikkel i Setesdølen nr. 65, 2009
- Ole Birger Lien: Feira opning med suppe. Artikkel i Setesdølen nr. 77, 2011 side 7