Sprekleiken

Sprekleiken er eit arrangement som Valle IL og Valle jakt- og fiskelag skipa til første gongen i 2009. Konkurransen er inspirert av Olaf Tufte sitt arrangement på Tufte gard og ulike liknande konkurransar som Highland Games i Skottland. Stokkekastinga kjem derifrå.

Konkurransen går føre seg i ei rundløype. Den omfattar mellom anna rundballerulling, stokkekasting, sekkebering og kryping.

Deltakarar og klassar

Lokale deltakarar konkurrerer mot kjentfolk. Desse har vore med:

• Sprekleiken 2011: Kari Jaquesson
• Sprekleiken 2010: Ida Marcussen og Lukas Udelhoven
• Sprekleiken 2009: Olaf Tufte

Då konkurransen starta i 2009, var forma ny og ukjend. Men Valle IL har betra marknadsføringa og ynskjer deltakarar frå heile Setesdal og gjerne landsdelen med. Det er klassar for vaksne menn og kvinner over 16 år, juniorklasse for jenter og gutar under 16 år og lagkonkurranse.