Skjerka (Evje og Hornnes)

Skjerka er ei elv som kjem frå Gyvatnet, som for det meste ligg i Bygland og Åseral. Ho renn gjennom Vetrhusvatnet og Vassendvatnet, og sidan gjennom fleire mindre vatn som Romedalsvatnet og Mykestølvatn. Ho renn utfor Hunsfossen aust for Uleberg, med eit samla fall på over 100 m. Men elva er frå 2006 regulert, og vassføringa i Hunsfossen har etter det blitt sterkt redusert. Skjerka renn ut i Dåsåna ved Samkom i Dåsvandsdalen i Hornnes.