Ropåsnes
Hopp til navigering
Hopp til søk
Ropåsnes er (ved låg vasstand) eit lite nes som stikk ut i Otra frå vest, noko sør for Vassendøya i Bygland. Ved høg vasstand i Byglandsfjorden blir neset meir som ei lita øy. Grensa mellom Evje og Hornnes og Bygland går midt i elva her. Ropåsnes ligg på Hornnes-sida, på garden Senum sin grunn.
Historie
Fram til 1905, då det vart bygt ein dam litt lenger nede i elva, byrja eigenleg Byglandsfjorden om lag ved Ropåsnes. Straks nedanfor var Surtefossen og alle dei andre fossane og stryka nedover i Evje og Hornnes. Bøndene i Vassend var pålagt å skysse folk over elva her. Skyssen ved Ropåsnes blei seinare flytta til Senumsundet.
Kjelder
- Norgeskart.no
- Reidar Tveito, Kultur- og fornminner omkring Byglandsfjord, Byglandsfjord, 2020, side 126