Nils Torjusson Pytten
Hopp til navigering
Hopp til søk
Nils Torjusson Pytten (fødd 1823, død 1910) var husmann i Pytten på Moi nord i Bygland. Han rydda dette plasset i 1860-åra, og budde der fram mot 1900. Då tok Austad fattigvesen over huset, og Nils kom på legd.
Nils kom opphaveleg frå Pytten under Nedre Hegland. Foreldra var Torjus Jonson Pytten og Torbjørg Aslaksdotter Kvinen. Han var gift med Liv Olavsdotter Rysstad (f. 1833, d. 1893). Dei hadde borna Torbjørg, som døydde som barn, Anne, som døydde barnlaus, og Torjus Nilsen, som omkom i ei tragisk ulykke i Flåt nikkelgruve i Evje 26. juni 1889, bare 21 år gamal. Torjus var ugift. Det er såleis ikkje etterkomarar etter Nils Pytten og Liv Olavsdotter.
Kjelder
- Reidar Vollen, Bygland gard og ætt, bind II, utgjeve av Bygland kommune, 2003, side 598-600
- Sigmund Monen, Flåt nikkelgruver og bygda. Arbeidarhistorie, utgjeve av Evje og Hornnes kommune, 2016, side 49
- Olav O. Uleberg og Olav Arne Kleveland, Kultursoge for Evje og Hornnes, bind II, utgjeve av Evje og Hornnes bygdeboknemd, 2003, side 96