Moisund bru
Hopp til navigering
Hopp til søk
Moisund bru er ei fritt frambygd spennbetongbru over Otra på Fylkesveg 419 mellom Moisund og Klepp i Evje og Hornnes kommune. Lengda er 108,3 meter og sjølve spennvidda er på 67 meter. Brua vart bygd i 1969 til ein kostnad på 1,1 mill kroner. Ved å nytta forspent betong kunne ein byrja bygginga samstundes på begge sider til ein møttes på midten. Ein slapp då omfattande forskalingsarbeid over elva. Det var entreprenørfirmaet Høyer Ellefsen som hadde arbeidet.
Før brua kom, gjekk det ferje over Otra mellom Moisund og Klepp. Det hadde vore ferjedrift her sidan 1945, og var i 1969 den siste bilferja i Aust-Agder.
Kart
Kjelder
- Kjell Høgenes: Setesdalsbanens endeligt har kostet Staten omkring 30 millioner kroner for 50 km. ny vei i Aust-Agder Agderposten 22. nov. 1969
- Reidar Tveito, Riksveg 9 - Bruer og særtrekk langs vegen, utgjeve på eige forlag, 2014, s. 62-63