Kultursoge for Evje og Hornnes
Kultursoge for Evje og Hornnes er gjeven ut i to band, band I i 1990 og band II i 2003. Forfattarar er Olav O. Uleberg og Olav Arne Kleveland. Utgjevar er Evje og Hornnes bygdeboknemd.
Både Hornnes og Evje kommunar valde bygdesogenemder i 1920-åra. I begge bygdene blei det sett i gang innsamling og registrering av lokalt historisk stoff med det mål å gje ut bygdebøker.
Åra gjekk, og bygdebøkene kom ikkje. Men i 1968 fekk Hornnes si gards- og ættesoge, Hornnes I, Gards- og ættesoge, og i 1969 tok Olav O. Uleberg fatt på arbeidet med kultursoga for Evje og Hornnes.
Uleberg døydde i 1974, og Olav Arne Kleveland tok i 1987 på seg å fullføre manuskriptet etter Uleberg.
Fyrste bandet vart så altså utgjeven i 1990, medan det andre kom i 2003. Evje og Hornnes Sparebank har ytt økonomisk støtte til utgjevingane.
Det blir for tida arbeidd med ei gards- og ættesoge for Evje. Ådne Fardal Klev frå Lyngdal er frå hausten 2012 tilsett som bygdebokforfattar. Men ein veit i dag ikkje når ho kan bli skriven ferdig.
Innhald
Band I
- Føreord
- Evje-songen
- Hornnes-songen
- Topografi
- Førhistorisk tid
- Liv og arbeid på garden
- Follogskontrakter
- Husmannsskipnad og husmannskår
- Husmenn i Evje og Hornnes
- Skog og skogbruk
- Gamle skikkar, gammal tenkemåte
- Samferdsla
- Bilane kjem
- Telefonen
- Posten skal fram
- Målføret
- Skuleskipnaden
- Skulen i Evje
- Skulen i Hornnes
- Skulen i Evje og Hornnes
- Hornnes landsgymnas
- Amtsskulen i Setesdal
- Almugebiblioteket
- Evje kino
- Sparebanken
- Sørlandsbanken på Evje
- Pengar som betalingsmiddel
- Mål og vekt
Band II
- Føreord
- Evje og Hornnes (dikt)
- Geologien i Evje og Hornnes
- 100 år med feltspatdrift og mineraljakt
- Flot nikkelgruve - Evje nikkelverk
- Feltspatdrift
- Einerkilen urangruve 1948-1951
- Evjemoen
- Engelskmennene på Gautestad
- Dyreliv, fiske, jakt og fangst
- Lensmenn
- Forlikskommisjonen - forliksrådet
- Valmenn og stortingsmenn frå Evje prestegjeld
- Kommunestyringa i Evje
- Kommunestyringa i Hornnes
- Sosial omsut
Kjelde
- Kultursoge for Evje og Hornnes, band I, utgjeve av Evje og Hornnes bygdeboknemd, 1990, omslaget og føreordet