Kringsjå kraftverk

Kringsjå kraftstasjon.

Foto: Ole Hangaard

Ruinar etter kraftverket 7. mars 2020.

Foto: Geir Daasvatn

Kringsjå kraftverk var eit kraftverk i Iveland som utnytta fallet i Paulenfoss i Otra. Det private selskapet AS Kristianssands Fossefald stod bak utbygginga, som var det første elektrisitetsverket i Kristiansand. Kraftverket vart starta i 1900 og lagt ned i 1957. Sidan vart bygningane rivne og anlegget og området sperra av med gjerde.

I 2010 drukna ein mann då han fall ned i eit fem meter djupt turbinrøyr som stod att etter den gamle kraftstasjonen.

I 2013 tok Agder Energi opp eit arbeid med å opne det gamle anlegget og bygge eit amfi der som kunne brukast av alle. Steinane frå den gamle demningen vart brukte i amfiet. Samstundes blei det lagt til rette for Kringsjå turområde.

Nasjonal Sykkelrute nr. 3 går forbi Kringsjå kraftverk.

Kjelder

• Om Kringsjå hos Wikipedia
• 23-åring druknet i turbinrør - to siktet for vold. Artikkel hos tv2.no
• Søker om sanering. Artikkel hos ae.no
• Sigmund Skomedal, I skitende tider, 1985, side 18–20

Eksterne lenker

• Geir Daasvatn sine bilete frå Kringsjå kraftverk