Hovden Hytteservice
Hovden Hytteservice er ei entreprenørbedrift på Hovden med over 60 tilsette. I 2011 omsette Hovden Hytteservice, som vart etablert i 1998 av Jo Breivegen og Yngve Breivegen, for om lag 50 millionar kroner pluss moms. I 2015 var omsetninga auka til rundt 120 millionar kroner netto. I løpet av 2015 investerte selskapet i nytt utstyr verdsett til 52 millionar. Selskapet har to aksjonærar, Breivegen Invest, som eig 65%, og Paasan Invest, som eig 35%.
Selskapet hadde lågaste anbod på utbygginga av Krokå-Langeid-parsellen på Riksveg 9. Hovden Hytteservice har (2016) brøytinga av Brokke-Suleskarvegen som fast oppdrag. Det var også Hovden Hytteservice som var hovudentreprenør på ny Rv-9 på strekninga Bjørnarå-Optestøyl i Bykle.
Under årsmøtet i Maskinentreprenørenes landsforbund i Stavanger i mars 2017 blei Hovden Hytteservice heidra som Årets opplæringsbedrift innan anleggsfaga i Agder. Firmaet hadde fem lærlingar i 2017.
Kjelder
- Ole Birger Lien: Hovden Hytteservice AS med lågast anbod på Krokå-Langeid. Artikkel i Setesdølen nr. 36, 2012 side 5
- Ole Birger Lien, Har investert for 52 mill på eitt år!, artikkel i Setesdølen nr. 24, 2016, side 6
- Hovden Hytteservice fekk opplæringspris, stykke i Setesdølen nr. 21, 2017, side 4