Hornnes landsgymnas
Hornnes landsgymnas vart etablert i 1918 som eit privatgymnas på Hornnes i noverande Evje og Hornnes kommune. Frå 1922 vart det eit fireårig landsgymnas, ein status det hadde til 1975, då skulen vart vidaregåande skule. Det offisielle namnet var likevel Hornnes gymnas fram til 1995. Då vart skulen heitande Hornnes vidaregåande skule fram til samanslåinga med avdelingane i Valle og på Hovden i 2006. Etter det har namnet vore Setesdal vidaregåande skule avdeling Hornnes.
Linjer og elevar
Hornnes landsgymnas hadde real- og engelsklinje. Frå 1924 fekk ein latinlinje, den hadde skulen fram til 1947. I perioden 1931 til 1939 var det ingen elevar på engelsklinja. Over 80 prosent av elevane kom frå dei to Agder-fylka. Første artiumskull i 1922 hadde 18 kandidatar, to av desse var jenter. I 1928 var det 31 artianarar, i 1947 var det 44. Kvinneandelen dobla seg frå 17% i 1922-1940 til 35% i 1963-1970.
Under andre verdskrigen miste åtte elevar livet. Dei var: Knut Almedal, Ragnar Lømsland, Peder Mollestad, Knut Mykland, Bjørgulv G. Rysstad, Sigurd G. Rysstad, Gunnar Thompson og Alfred Ugland. Tyskarane brukte gymnastikksalen til potetlager. I februar 1942 var det elevdemonstrasjon som førte til at NS kravde bortvisning. Rektor nekta å vise dei bort. Same året vart elevar nekta å få eksamen om dei ikkje melde seg inn i NS, i mars var Lærarsambandsstriden. Skulen var stengd i fleire veker og ein av lærarane vart arrestert og send til Kirkenes.
Rektorar
- Gunnar Abusdal 1918-1922
- Karl Hatteland 1922-1923
- Daniel Danielsen 1923-1950
- Gunstein Langerak 1950-1961
- Eldar Peter Molaug 1961-1973
- Alf Gudbrandsen 1973-1978
- Tormod Oksefjell 1979-
- Birgit Attestog
Nokre lærarar
- Elias Ryssdal
- Ola Øygard
- Bjarne Svare
- Jon Landstad
- Kåre Glommen
- Aasmund Hoel
- Anton Røstad
- Audun Ohmstad
- Gudrun Kvamsdal
- Ånen Abusland
- Harald Tveit
- Bjarne Johan Ore
- Notto Galteland
- Sofus Ausland
- Else Marie Lønn
- Odd Harald Robstad
- Ragnhild Robstad
- Vesla Nomeland
- Olav Arne Kleveland
- Kåre G. Håland
- Rolf Øvrevik
- Jane Øvrevik
- Gitte Klokkervold
- Ansgar Andreassen
Nokre elevar
Her er nokre elevar og året dei tok artium:
- Alf Hellevik 1931
- Jens Haugland 1932
- Kristian Trægde 1936
- Gabriel Øidne 1938
- Olav Bø 1938
- Knut Mykland (1920) 1940
- Aslaug Bjoraa 1943
- Anne Gullestad 1945
- Olav Arne Kleveland 1954
- Aasulv Lande 1955
- Geir Kjetsaa 1956
- Harald Moi 1961
- Kjell Kristian Rike 1963
- Tarald Aamlid 1963
- Paal-Helge Haugen 1964
- Sigrid Nersten Lunden 1968
- Grete Faremo 1973
- Ånund Eldhuset 1973
- Knut Eldhuset 1977
- Utan årstal
Kjelder
- Olav Arne Kleveland: Landsgymnaset på Agder. Artikkel i Gudleiv Forr og Helge Vold: Landsgymnaset Det Norske Samlaget 2007 ISBN 9788252171389
- Eldar Molaug: Hornnes landsgymnas. Artikkel i Jol i Setesdal 1969