Grendi Handel

Frå Setesdalswiki
Hopp til navigering Hopp til søk
Den utskrivbare versjonen er ikkje lenger støtta eller kan ha rendring-feil. Oppdater eventuelle bokmerke i nettlesaren din og bruk den vanlege utskriftsfunksjon til nettlesaren i staden.
Grendi Handel
Utsikt frå Grendi Handel mot Sines, Tveitå og Sandtjørnheii.
Foto: Siri Johannessen

Grendi Handel ligg ved riksveg 9 i Grendi i Bygland, nord for Årdal kyrkje. 3. desember 2013 stengde butikken etter 6 års drift. Små marginar og handelslekkasje til Evje var nokre av orsakane som vart gjeve i Setesdølen[1]. Bensinpumpene stengjes ikkje.

Historikk

Nytt butikkbygg, ny stad

Før 1980-talet dreiv Olav Sordal butikken som då lå noko lengre sør, ved Hofstadkrysset nær kyrkja og kårboligen på Løyland. På 1980-talet let han ein ny butikkbygning bygge ved Rv9 eit lite stykkje lengre nord. Den nye butikken blei drifta av Morten og Wenche Hofstad Hageland.

Grendi Handel

Konkursen sytte for at Oddvar og Tone Ingjerd Omnes saman med bygdefolket tok over og danna aksjeselskap med Oddvar som styreleiar og Tone som dagleg leiar. Aksjeselskapet selde på få dagar aksjar for 300.000 kroner. Selskapet sitt mål er å drive nærbutikk i Grendi. Butikken hadde i 2010 ei omsetning på 4,592 millionar og eit overskot på 91.000 kroner. Dei to første åra var det underskot på drifta.

Fram til 3. desember 2013 var Grendi handel ein del av Nærbutikk-kjeda. I assortimentet hadde dei og kunsthandverk, musikk, bensin og diesel. Kunsthandverket er til dømes smykker frå Kisumi i Kenya, håndlaga lys, håndarbeider frå Lene Vestøl, dagsentra på Byglandsfjord og Bygland, malerier frå Olaug Åsen, Eva Fauske og Torill Østerhus. Grendi Handel selde reseptfrie apotekvarer for Evje Apotek, hadde post i butikk og det var mogleg å komma på internett, både med og utan eigen maskin.

Selskapet som dreiv handelen vart stifta i 2007 etter at den førre hadde gått konkurs, og butikken blei offisielt opna 1. desember 2007 etter å ha vore i drift eit par veker før det. Butikken vart samstundes ein del av Nærbutikk-kjeda, medan han tidlegare hadde høyrd til Joker.

Styret


Kjelder

  1. Sigurd Haugsgjerd: «Det nye selskapet har halde det gåande i 6 år: Grendi Handel stengjer i dag», s. 16, Setesdølen nr. 95, 2013

Eksterne lenker