Granheim
Granheim er ein stad nord (vest) på Hegland i Bygland, mellom den gamle riksvegen og Otra.
-2-2.jpg)
Historie
Granheim var eit samlingspunkt i øvre del av Bygland litt tilbake i tid. I 1898 kom Granheim Hotel, som seinare heldt fram som turistheim til rundt 1960. Her var også landhandel og skysstasjon. Når vasstanden i fjorden var høg nok, gjekk dampbåtane DB Dølen og DB Bjoren opp til Granheim. Det var brygge med pakkbu for varer som skulle vidare oppover i Setesdal. I 1901 blei det oppretta eit brevhus, som alt året etter blei oppgradert til postoppneri. På sletta nede ved den gamle dampskipsbrygga var det ei tid ein liten campingplass, der det kunne vere opp til 15-20 telt på ein gong. I ein periode var 17. mai-feiringa i Austad sokn på Granheim.
Postkontoret heldt fram til 1947. Landhandelen slutta etter kvart, og rundt 1960 stengde turiststasjonen. Dampbåttrafikken vart det slutt på alt rundt 1930. Pakkhuset blei gjort om til ungdomshus.
Kjelder
- Reidar Vollen, Bygland gard og ætt, bind I, utgjeve av Bygland kommune, 2002, side 354-359
- Reidar Bolling, Gards- og ættesoge for Bygland, 1952, side 38-39