Eva Richter
Eva Richter | ||
---|---|---|
Født: | 10. september 1945 (78 år) |
Eva Irene Richter (født 10. september 1945) var rådmann i Bygland kommune frå mars 2003 til juni 2007. Ho var tilsett i eit åremål på seks år, men vart løyst frå åremålet knapt to år før tida. Då ho slutta, hadde ho vore sjukemeldt ei lang tid. Før henne var Ola Tolstad rådmann i Bygland, dåverande økonomisjef Aasmund Lauvdal vart konstituert i stillinga etter henne.
Ho starta yrkeskarrieren sin som byssejente til sjøs, men tok utdanning som sosialpedagog og arbeidde med strategiske næringsplanar i NHO og i eige rådgjevingsfirma før ho kom til Bygland. Ho hadde og arbeidd hos NSB, Fylkesbaatane og Airlift. Ho var den første kvinne som var rådmann i Aust-Agder.
Etter at ho hadde vore rådmann i Bygland, flytta ho tilbake til Florø, der ho kom frå då ho kom til Bygland. Då engasjerte ho seg i Flora arbeidarlag, der ho var sekretær i styret. I perioden 2011-2015 var ho medlem av kontrollutvalet i Flora kommune, der ho representerte Ap.
Kjelder
- Sigbjørn Høidalen: Nytt regime i Bygland kommune. Artikkel i Setesdølen nr. 20, 2003 side 6
- Rådmannen i Bygland er løyst frå stillinga. Artikkel i Setesdølen nr. 48, 2007 side 1
- Årsmøte i Flora arbeidarlag
- Kontaktinformasjon kontrollutvalet Flora 2011 - 2015
- Er for gammal til å få støtte frå Innovasjon Norge