Europris Evje
Europris Evje er ei forretning på Verksmoen på Evje. Butikksjef frå januar 2020 er Tonje Kirkholm Skauen. Marthe Åsen er assisterande butikksjef.
Historie
Butikken var kjeden sin 191. butikk då han opna 30. juni 2011. Ved opninga hadde butikken seks tilsette, det var 50 som søkte på jobbane. Butikksjef då var Leif Jørgen Versland. Det var ordførar Bjørn A. Ropstad som klypte snora og slepte inn dei hundre kundene som stod i kø utanfor butikken. Siste kvarteret var Kjell Elvis engasjert for å underhalde dei ventande kundene.
Etter opninga i 2011 har omsetninga i butikken auka kraftig. I 2015 hadde verksemda 15-16 tilsette, og omsette for 30 millionar kroner.
I juni 2015 skjedde det ei større ombygging av butikken innvendig, kostnadsrekna til 1 million kroner. Torsdag 2. juli 2015 var det stor opningsfest for «Nye» Europris.
I mars 2017 blei Europris Evje kåra til Årets Europris-butikk i 2016 i Norge.
Kjelder
- Helene Horverak: Strøymde inn på Europris. Artikkel i Setesdølen nr. 51, 2011 side 7
- Ole Birger Lien, Lovar «full baluba» i slutten av veka, artikkel i Setesdølen nr. 54, 2015, side 8
- Ole Birger Lien, Stabil auke i Europris Evje, artikkel i Setesdølen nr. 21, 2016, side 4
- Sigrid Åsen Haugsgjerd, Tilbake som butikksjef på Evje, artikkel i Setesdølen nr. 6, 2020, side 13