Bjørndalsvatnet

Frå Setesdalswiki
Versjonen frå 15. desember 2015 kl. 08:41 av Geir Daasvatn (diskusjon | bidrag) (Wikilenke Vest-Agder)
Hopp til navigering Hopp til søk
Bjørndalsvatnet ein vakker haustdag. Foto: Geir Daasvatn

Bjørndalsvatnet ligg på heia lengst vest i Hornnes i Evje og Hornnes kommune, rett sør for Fylkesveg 42 og ikkje langt frå grensa til Vest-Agder. Vatnet er 0,6 km² stort. Bjørndalsvatnet heng saman med Kosvatn; vatna er bare skild frå kvarandre med eit smalt sund på ca 400 meter med liten høgdeforskjell. Bjørndalsvatnet er ein del av Kosåna-vassdraget.

Rundt Bjørndalsvatnet, spesielt på nordsida, er det bygd mange fritidsbustader. Heilt i vestre enden av vatnet ligg den nedlagde garden Steinsland. Nord for vatnet ligg gardane Monen og Bjørnestøl, og i austre enden Bjørndal. Alle desse gardane er òg fråflytta. Frå nordsida av vatnet går det skogsbilveg (bomveg) langs Gunnarsåna til Gåseflå, Matkrona, Gunnarsvatnet og vidare heilt inn til Nedre Øyvatn.

Bjørndalsvatnet. Foto: Geir Daasvatn

I Bjørndalsvatnet har det gjennom minst 10 år vore utført utfisking med garn og storruser. Det har i gjennomsnitt blitt fanga nesten 5000 fisk kvart år. Ein sentral person i arbeidet har vore Hornnes-mannen Torbjørn Kallhovd.

Kjelde

Øverby skog AS og Gustavsen Naturanalyser, Prøvefiske i seks kalkede vann i Vest-Agder 2011, rapport 4/2012, s. 31-37

Kart

Laster kart...