Bjørgedalsvegen
Hopp til navigering
Hopp til søk
Bjørgedalsvegen er ein skogsbilveg på Bjørgum i Hylestad i Valle. Ein kan køyre på vegen mot å betale 100 kroner for personbil i ei kasse ved starten. Ein kan også betale med Vips.
Vegen byrjar ved Kåsland, slyngar seg opp Bjørgelii i mange svingar, og fortset innover (austover) 6-7 km gjennom Bjørgedalen til Skjellestøyl. Frå Skjellestøyl går ein meir primitiv skogsbilveg vidare i 1-2 km til Finnstøyl og Forstøyl. Dette siste stykket er privat veg og fysisk stengt med bom.
Bjørgedalsvegen vart påbegynt i 1930-åra, men bygd til modere standard tidleg på 2000-talet. Torleiv D. Bjørgum er leiar i selskapet som driv vegen.
Kjelder
- Norgeskart.no
- Geir Daasvatn, tur på vegen, dokumentert med bilete
- Opplyst av Torleiv D. Bjørgum i telefonsamtale 11. juni 2019