Bykle kyrkjebygd
Bykle kyrkjebygd er ein tettstad og administrasjonssenteret i Bykle kommune øvst i Setesdal. Staden kallast óg bare Kyrkjebygdi etter Bykle gamle kyrkje som har stått i sentrum av bygda sidan 1600-talet. I 2004 tok Bykle kyrkje rett ved sida av gamlekyrkja over som soknekyrkje for Bykle sokn. Det er 239 innbyggjarar i tettstaden (2015).
Stadnamnet kjem frå garden Byklum, som i sin tur har det frå vatnet Bykil.
Bygda ligg på delar av eigedomane til tre matrikkelgardar: Byklum, Mosdøl og Gjerden.