Vatnedalsvegen (Bygland): Skilnad mellom versjonar

Versjonen frå 25. desember 2014 kl. 23:42

Vegen starter her frå Hovstad.

Vatnedalsvegen er ein 14,2 km lang privat skogsbilveg (bomveg) i Bygland kommune og Åmli kommune. Vegen går bratt oppover lia frå Hovstad i Grendi, nord-austover på heia forbi Tortveittjørni og Tjønnstøylvatnet, vidare opp mellom Jorundstjørni og Grimsdalsvatn, der han svinger meir mot aust forbi vatnet, inn i Åmli kommune og så går sørover forbi Arevatnet på austsida og ender ved Heddevatnet.

Vegen vert driven av Vatnedalsvegen SA. Ein er velkomen til å kjøre på vegen mot betaling av ei bomavgift. I 2014 er denne 120 kr. Avgifta ordnast på mobil/SMS før ein tek til på turen. Ein er sjølv ansvarleg for å sjekke om vegen er open for trafikk.

Vegen vart bygd i 1966-1968. Hunsfos Fabrikker bygde vegen og kjøpte tømmeret som blei blinka og rotkubert - over 30 000 kubikkmeter. Då tømmeret var drive ut, blei vegen levert over til skogeigarane som tok over eigarskapet og vedlikehaldet.

Kjelde

Oppslag/plakat ved starten av vegen
Norgeskart.no
Egil A. Berntsen, Skogsbilvegar i Setesdal, artikkel i Jol i Setesdal, 1983, s. 25-26

@@ Line 3: / Line 3: @@
 Vegen vert driven av [[Vatnedalsvegen SA]]. Ein er velkomen til å kjøre på vegen mot betaling av ei bomavgift. I 2014 er denne 120 kr. Avgifta ordnast på mobil/SMS før ein tek til på turen. Ein er sjølv ansvarleg for å sjekke om vegen er open for trafikk.
+Vegen vart bygd i 1966-1968. Hunsfos Fabrikker bygde vegen og kjøpte tømmeret som blei blinka og rotkubert - over 30 000 kubikkmeter. Då tømmeret var drive ut, blei vegen levert over til skogeigarane som tok over eigarskapet og vedlikehaldet.
 ==Kjelde==
 *Oppslag/plakat ved starten av vegen
 *[http://www.norgeskart.no/ Norgeskart.no]
+*Egil A. Berntsen, ''Skogsbilvegar i Setesdal'', artikkel i [[Jol i Setesdal]], 1983, s. 25-26
 [[Kategori:Veier i Bygland]]
 [[Kategori:Grendi]]