Sjå kjelda til Bygdeborga på Kallshovet

[[Fil:Kallshovet bygdeborg 210816.JPG|miniatyr|høyre|Restar av den nedramla steinmuren på Kallshovet. {{Byline|[[Geir Daasvatn]]}}]]
'''Bygdeborga på Kallshovet''' ligg nær toppen av fjellet [[Kallshovet]] på [[Kallhovd]] i [[Hornnes]]. Her kan ein nokså sikkert gå ut frå at det har vore [[Bygdeborg|bygdeborg]], då det ligg tydelege restar etter ein nedramla steinmur like under toppen, mot vest.<ref>[[Olav O. Uleberg]], ''[[Kultursoge for Evje og Hornnes]]'', band I, utgjeve av [[Evje og Hornnes bygdeboknemd]], 1990, side 50</ref> Kallshovet er stupbratt ned mot [[Dåsåna]] i sør og svært bratt mot aust og nord. Den lagelegaste staden å kome opp på fjellet er i nord-vest, akkurat der restane etter den nedramla muren ligg i terrenget.

Det er ikkje gjort vitskaplege undersøkingar av bygdeborga på Kallshovet. Alderen er derfor usikker. Men det er ei vanleg meining mellom arkeologane, heiter det i kultursoga for Evje og Hornnes, at bygdeborgene er frå folkevandringstid og sein romartid. Arkeolog Perry Rolfsen har argumentert for at denne tidfestinga kan vere for trong, og at bygdeborgene kan ha vore i bruk over eit langt større tidsrom.<ref>''Kultursoge for Evje og Hornnes'', band I, side 51</ref> 

Kallshovet ligg som dei andre bygdeborgene i kommunen sentralt langs ferdslevegar i tida. Under fjellet gjekk vegen mellom Hornnes og [[Åseral]]. Litt nord for Kallshovet ligg Støylen. I gamal tid kom ein ferdsleveg frå [[Setesdal]], [[Fjellmannsvegen]], ned her. Vegen gjekk vidare til [[Lauvås (Vennesla gnr. 91)|Lauvås]] i [[Hægeland]] og kom ned i dalen ved Kile.<ref>''Kultursoge for Evje og Hornnes'', band I, side 50</ref>

== Sjå også ==
*[[Bygdeborger i Evje og Hornnes]]

== Referansar ==
<references/> 

[[Kategori:Kulturminner i Evje og Hornnes]]