Dalen vår

2012-05-08T11:17:04Z

Brattfjord: Ny side: Ole Aa. Brattfjord lanserer våren/forsommaren «Dalen vår». Ei konseptplate han har arbeidd med i nær fem år. «Dalen vår», med undertittelen «ei plate om røter og tilhøyrighet...

Ole Aa. Brattfjord lanserer våren/forsommaren «Dalen vår». Ei konseptplate han har arbeidd med i nær fem år. «Dalen vår», med undertittelen «ei plate om røter og tilhøyrighet», handlar om relasjoner. Relasjoner til stader, historie, kultur, religion og menneske.
Fleire av tekstene tek utgangspunkt i Brattfjord sin eigen bakgrunn og oppvekst i nedre Setesdal, der innhaldet krinsar om folk og miljø frå dalen. «Dalen vår» er på den måten først og fremst ein hyllest til bygda og dalen der han sjølv hadde oppveksten sin, og røtene sine.
Men «Dalen vår» er også synonymt med den kjensla av tilhøyrighet alle menneske har, til stader og til kvarandre.
For sjølv om tekstene tek utgangspunkt i lokale tilhøve, trur og vonar låtskrivaren Brattfjord plata også vil ha relevans for andre menneske, anten dei kjem frå by eller land. På same vis som Oslo-trubadur Lillebjørn Nilsen syng om ei tante frå Gamlebyen som alle føler dei kjenner. Alle har røter, ein bakgrunn som har forma dei, og ein plass dei lengtar til. Det er dette «Dalen vår» handlar om. Ei stemning som rører ved noko.

Med unntak av nokre ganske få songar (plata har heile 18 spor), har Brattfjord komponert og arrangert all musikken sjølve, og alle tekstene er skriven på nynorsk/dialekt.

I tillegg kan ein på plata , både mellom og i songane, høyre røysta til fleire personar frå landsdelen. Blant dei som er med er tidlegare programsekretær i NRK, Sigmund Skomedal, pensjonert tannlækjar og idrettsentusiast Jon Omland, bakar Arvid Pedersen, kjend lokalpolitikar og kulturarbeidar Aud Helene Austegard og fleire til. Personar som på kvar sitt vis krydrar plata med kommentarar knytt til temaet og stemninga i dei ulike songane.

– Særleg glad og audmjuk er eg for heiderskvinna Solveig Åvitsland sine heilt særeigne bidrag. Den tilårskomne kvinnerøysta som opnar plata i introen til songen «Dalen vår» er Solveig Åvitsland. Der mimrar ho tilbake til unge år og ein skuletur dei hadde til Sarvsfossen i Bykle då ho var ung jente, og hadde livet framføre seg. Dalen var lengre og verda var større då. Solveig Åvitsland dreiv i ein kvinnealder Samyrkjelaget på Flatebygd i Evje og Hornnes, og var ein markant og kjend kvinneskikkelse i bygda. Ho var ei levande lokal historiebok, men diverre tok ho sine opplevingar og fargerike soger med seg i grava, fortel Ole Aa. Brattfjord.

Solveig Åvitsland døydde 1. mars 2012, og fekk aldri oppleve å høyre seg sjølv på plate. Ho blei 87 år gammal.
– Eg trur ho hadde vore uendeleg stolt, seier Brattfjord, og legg til at Åvitsland ikkje berre er å høyre på introen til plata.
– Utdrag frå lydopptaka eg gjorde med henne sommaren 2011 er nytta fleire stader på plata. Eg hadde gledd meg til ho skulle få høyre det ferdige resultatet, men lagnaden ville det ikkje slik. Eg er likevel utruleg takknemleg, glad og stolt over å ha fått med så mange flotte bidrag frå henne. Eg nytta høvet til å spele eit lite utdrag frå plata under minnestunda som vart halde etter gravferda hennar. Plutseleg fylte Solveig si særeigne røyst lokalet der dei sørgande var samla. Det var ei sterk og varm oppleving, fortel Brattfjord.

Dette plateprosjektet er ifølgje Brattfjord sjølvrealisering fra A til Å.
– Men i tillegg er det – i alle fall i mine auge – eit viktig stykke kulturarbeid forankra i det lokale og regionale. Eg har gjeve ut og vore med på plater tidlegare, men dette er den plata eg alltid har drøymt om å lage. Dette er meg!

Brattfjord gir ut plata på eiga hand, og ber alle kostnadene til studioarbeid, produksjon, distribusjon og marknadsføring sjølve.
– Men undervegs har eg fått drahjelp både frå det offentlege og frå næringsdrivande og organisasjonar som har vurdert plateprosjektet mitt som så spennande at dei har gjeve meg økonomisk støtte. Eg er dei stor takk skuldig. Utan den drahjelpa hadde eg nok aldri våga å realisere plata, seier han.

Ifølgje Brattfjord har arbeidet med «Dalen vår» vore ein lang og tidkrevande prosess.
– Når plata nå lanserast er det faktisk 4,5 år sidan den første innspelinga vart gjort, og nærare fem år sidan dei første songane vart skrive, seier Ole Aa. Brattfjord.

«Dalen vår» songliste:
1. Dalen vår
2. Riksveg 9
3. Heime
4. Ørnefjellskogen
5. Bjoren
6. Sommar i Setesdal
7. Tradisjon: Eg vi’ alli’ burt meg binda
8. Kjende det på meg
9. Ditt smil
10. Når Venus blunker
11. Eit lite stykke poesi
12. Draumen: Song for Orion
13. (The end) Evje kinos blues
14. Kjærlighet og ærlighet
15. Emissæren kjem: Blott en dag
16. Idrettslaget: På 60 blank
17. Ei bøn om lukke
18. Fuglane veit

Ole Aa. Brattfjord

2012-03-21T08:36:48Z

Brattfjord: /* Musikk */

[[Fil:Ole Aa Brattfjord.jpg|thumb|Ole Aa. Brattfjord viser [[Evje og Hornnes kalender 2011]].]]
'''Ole Aasmund Brattfjord''' (fødd 10. april 1964) frå Evje er nyhetsredaktør i Lindesnes Avis i Mandal. Han arbeidde i [[Setesdølen]] som journalist før han flytta til [[Mandal]].

Brattfjord er avismann, lyrikar, musikar og ein ivrig fotograf som fartar mykje rundt på gamle heimetrakter i [[Evje og Hornnes kommune]] med fotoapparat. Det har resultert i fleire [[Evje og Hornnes kalender|kalendrar]]. Kalendrane har både tekstar og bilete, og vert produserte i eit avgrensa opplag. For 2011 ga han ut kalenderen «Evje og Hornnes kommune – folk og stader før og nå». Han samlar også på gamle postkort frå nedre [[Setesdal]], og fleire av desse er nytta i kalenderprosjekta.

==Musikk==
I tillegg til å skrive sakprosa i avis, skriv han og songar og framfører dei. Brattfjord har gjeve ut CD-platene «[[Stjerneskudd]]» (1994), «[[Tenkjer på deg]]» (1995) og «[[Solrødt og sommarsøtt]]» (2004), som vart laga i samarbeid med skigruppa i [[Otra IL]] og gjeve ut i samband med tiårsmarkeringa for jordbærfestivalen på Evje. Songen til Otra IL sitt 50-årsjubileum i 2010, «På 60 blank», var også laga av Ole Aa. Brattfjord. Han har vore fleire gonger på Sørlandstoppen. Melllom anna med songen «Himmel og hav» frå plata «Solrødt og sommarsøtt». Brattfjord har også medverka på supporterplata til fotballklubben MK i Mandal, med songen «De grønne og hvide».

Er i 2012 aktuell med konseptplata [http://www.facebook.com/dalenvaar «Dalen vår»], ei plate om røter og tilhøyrighet. Med utgangspunkt i eigen bakgrunn frå nedre Setesdal har Brattfjord med «Dalen vår» laga ei identitetsbyggande plate med bakgrunn i språk, kultur og mellommenneskelege relasjonar. Undertittelen røter og tilhøyrighet syner både til geografisk tilhøyrighet, menneskeleg tilhøyrighet og åndeleg tilhøyrighet. Plata har i alt 18 songar der alle tekstene handlar om relasjonar, til stader, historie, kultur og menneske. Fleire av tekstene tek utgangspunkt i Brattfjord sin eigen bakgrunn og oppvekst i nedre Setesdal. «Dalen vår» er på den måten først og fremst ein hyllest til bygda og dalen der han sjølv hadde oppveksten sin, og røtene sine. Men «Dalen vår» er også synonymt med den kjensla av tilhøyrighet alle menneske har, til stader og til kvarandre. Alle har røter, ein bakgrunn som har forma dei, og ein plass dei lengtar til. Det er dette «Dalen vår» handlar om. Ei stemning som rører ved noko.

Alle tekstene er skriven på nynorsk/dialekt, og i tillegg til musikken kan ein på plata, både mellom og i songane, også høyre røysta til fleire personar frå landsdelen. Blant dei som er med er tidlegare programsekretær i NRK, Sigmund Skomedal, pensjonert tannlækjar og idrettsentusiast Jon Omland, tidlegare bakar Arvid Pedersen, kjend lokalpolitikar og kulturarbeidar Aud Helene Austegard, byggmeister Frode Nicolaysen, tidlegare skipper på Bjoren Torgeir Moseid og ikkje minst heiderskvinna Solveig Åvitsland, som gjekk bort 1. mars 2012. Ho dreiv i ein kvinnealder Samyrkjelaget på Flatebygd i Evje og Hornnes. Personar som på kvar sitt vis krydrar plata med kommentarar knytt til temaet i dei ulike songane.

==Litteratur==
Han har gjeve ut to diktsamlingar, publisert fleire noveller og stått bak ein litterær antologi med bidrag frå kjende namn som Kjell Askildsen, Espen Haavardsholm, John Møll, Michael Grundt Spang m.fl.

{{DEFAULTSORT:Brattfjord, Ole Aasmund}}
[[Kategori:Mediefolk]]
[[Kategori:Personer fra Evje og Hornnes kommune]]
[[Kategori:Fødsler i 1964]]

Setesdalswiki - Brukarbidrag [nn]

Dalen vår

Ole Aa. Brattfjord