Setesdal syng ABBA

Setesdal syng ABBA var eit prosjekt der om lag 40 korsongarar frå alle kommunane i Setesdal song ABBA-songar. Prosjektleiar var Torunn Charlotte Nyberg Lund, og Tina Høgevoll var dirigent. Kapellmeister var Magnus Tveiten. Tekstane var dels på engelsk og dels på nynorsk, omsette av Bjarne Tveiten og Bjørg-Sissel Tveiten. Koret hadde helgesamlingar i Bygland, i Valle og på Hovden, men flest i Valle, som er «midt på» geografisk.

Konsertar

Etter over eitt år med øvingar, heldt prosjektet fire konsertar:

• Hovden grendehus laurdag 10. september 2011 klokka 16
• Hovden grendehus laurdag 10. september 2011 klokka 19
• Valle kultursenter sundag 11. september 2011 klokka 17
• Evjemoen kino sundag 25. september 2011 klokka 18

Konsertane var praktisk talt utselde.

Kjelder

• Ole Birger Lien: Knall ABBA-fest i Valle! Artikkel i Setesdølen nr. 73, 2011 side 8
• Ole Birger Lien: ABBA, ikkje Mamma Mia. Artikkel i Setesdølen nr. 69, 2011 side 3