Straumsfjødd
Straumsfjødd eller Straumsfjellet, som det er kalt på mange kart, er ei langt fjellparti aust og nord for Straume i Hylestad. Fjellet strekkjer seg frå Andenapen til Kvernåni, som renn ned Straumsjuvet. Toppen i sør er 846 meter høg, toppen i nord er 766 meter høg. Oppe på fjellet ligg Fjelletjørnin, og aust for desse går Kraftlinja Holen - Skåreheia. Vestsida av Straumsfjødd styrtar bratt ned i Otra sør for Rysstad.
På Straumsfjødd stod siste veten i Setesdal. Han vart tent i 1870-åra av vanvare og brant då opp, skreiv Gunnar Rysstad i 1921 i boka Norske bygder - Setesdalen. Men ved inngangen til nytt tusenår vart veten bygd opp att og sett fyr på, det same skjedde med fleire andre veter i Setesdal.
Stev
I Stevdatabasen til Agder Folkemusikkarkiv er det eit stev om Straumsfjødd, utan kjent forfattar:
- Du vene Straumsfjødd, du stolte håge,
- fyst me lut siljast, eg kjem ti gråte.
- Å du vene Straume, du vermdekro,
- då bånedagan som draumen for.
Bjørgulv Straume kved dette stevet på plata Frå ætt til ætt.
Kart
<googlemap version="0.9" lat="59.075683" lon="7.580051" type="terrain" zoom="13" width="400"> </googlemap>