Kvinlog Kulturformidling

Kvinlog Kulturformidling er eit enkeltmannsforetak oppretta av Leif Kvinlog i 2022. Gjennom dette driv han med «kulturelle tjenester» som er Brønnøysundregisteret sitt namn på aktiviteten.

Då han pensjonerte seg etter å ha jobba innan Kultur & fritid i Bykle kommune, sakna han den delen av jobben der ein kan kome på ein ide om for eksempel ein konsert eller eit arrangement og så planlegge og gjennomføre dette. Løysinga blei då å starte sitt eige foretak.

Aktiviteten med konsertar og foredrag ser ut til å ligge på 10-12 arrangement i året. Kvinlog bur i Kristiansand der ein del av arrangementa går føre seg, men fleire stader i Telemark, Oslo, Kvinesdal og Setesdal er også nytta. Det har mellom anna vore konsertar med Ingebjørg Bratland og Odd Nordstoga, Jon Solberg og Anders Røine, Jørn Hoel og Steinar Albrigtsen og foredrag med Thor Gotaas om norsk skihistorie og Tor Nicolaysen om tungtvannsaksjonen under krigen.

Kjelde

• Opplyst av Leif Kvinlog i epost 27. mars 2026.