Johan S. Gundersen
Johan S. Gundersen (fødd i Kristiansand i 1839) var den første til å sette opp hotell på Evje, i 1887.
Johan Gundersen var son til kjøpmann John Gundersen. Denne hadde kjøpt Høie spinneri av Lilloe for 8000 spesiedaler i 1857. Fabrikken heldt fram med Lilloe som styrar, og var i slektas eige fram til Oscar Jebsen tok over i 1904. Johan Gundersen flytta til Mosby i 1880 for å driva fabrikken på Høie, og han han dreiv samstundes med handel der. Han dreiv også landhandel på Kile og på Evje, med bakeri i tillegg. Det var Gundersen som bygde huset Nygård ved Birkelandsbrua, der Brødrene Gullestad kom til å starte opp med ei av dei første forretningane i Evje.
Etter at han hadde sett opp Dølen hotel, kjøpte han garden Lande i Grendi, og flytta seinare opp dit. Etter kvart vart Lande teke over av sonen Ragnvald, som igjen selde garden til Jon Løyland i 1930.
Hotellet som Gundersen hadde sett opp brann ned, men eit nytt hotel vart reist på same tomta. Dette er dagens hotel.