Sagehølen

Sagehølen er ei bukt på vestsida av Hauglandsfossane i Tovdalselva ved Hynnekleiv i Mykland i Froland kommune. Hølen er «stengt av» ut mot elva av ein lang flotingsmur. På nordsida av hølen var det sagbruk i si tid. Det var sprengt ei vassrenne som førte vatn frå elva og vidare til ei vassrenne i tre som igjen leia vatnet ned til saga.

I dag (2026) er berre ruinen av saga tilbake. Men vassrenna i fjellet ligg der framleis.