Anne Jonsdotter Nomeland

Anne Jonsdotter Nomeland (fødd Uppstad 1864, død 1947) var husmor og gift med lærar, predikant og klokkar i Valle Ånund Såvesson Nomeland. Dei budde i klokkargarden Ruslehaugen i Valle kyrkjebygd.

Anne skal ha hatt eit vent mål og song mykje på møta i det kristelege ungdomslaget i Valle.

Mannen Ånund døydde tidleg, bare 47 år gamal. Anne flytta då med dei fem borna ned til ein gard Ånund hadde kjøpt i Flårenden. Seinare flytta ho til Rysstad, der ho døydde i 1947.

Kjelder

• Torjus Åkre, Lærar og lekpreikar. Aanund S. Nomeland i Valle, stykke i Jol i Setesdal 1979, side 5–8
• Alfred Ryningen, Valle kommune III Gards- og ættesoge Valle, utgjeve av Valle kommune 1987, side 43–44