Altifiber Cup
Europris Vårcup er ei åreviss fotballturnering for born 8-12 år på EHbanen ved Evje stadion i Evje. Cupen blir spelt ein laurdag i april månad kvar vår. Han er det største faste enkeltarrangementet til fotballgruppa i Otra IL.
Cupen blei spelt for første gong i 2012. Då var han ei lita «miniturnering» med 11 lag. I 2015 deltok 74 lag og 700 spelarar. Frå 2015 gjekk Europris Evje inn som hovudsponsor for turneringa. Det er avtalt at Europris skal vere hovudsponsor også i 2016 og 2017. Otra IL sin hovudsponsor, Evje og Hornnes Sparebank, er også med som ein viktig økonomisk støttespelar.
Cupen har så langt (2012-2015) vore gratis for laga å vere med på. Det skal han etter planen fortsatt vere. Svært gode sponsorar, eit godt matsal i kiosken og andre inntekter gjer dette mogeleg.
I 2015 fekk fotballgruppa tildelt 50.000 kroner frå samarbeidsprosjektet Canal Digital Gir tilbake, der Canal Digital saman med Norsk Toppfotball og Norges Fotballforbund gir støtte til utvalde breiddefotballklubbar over heile landet til ulike fotballaktivitetar. Canal Digital sitt ønske var å stø opp under arbeidet fotballgruppa gjer for borna gjennom Vårcupen, og då særleg å bidra til at turneringa fortsatt kan vere gratis for borna.
Sjå også
Kjelder
- Geir Daasvatn, leiar fotballgruppa