Kjell Ingolf Ropstad
Kjell Ingolf Ropstad (fødd 1. juni 1985) er politikar og representerer KrF på Stortinget. Han er son til ordførar Bjørn A. Ropstad i Evje og Hornnes kommune og vaks opp på Moisund. Som 14-åring melde han seg inn i Kristeleg Folkeparti i 1999. I 2003 vart han vald inn i Evje og Hornnes kommunestyre og i Aust-Agder fylkesting. Det vart bare ein periode i kommunestyret, men han vart attvald i fylkestinget i 2007 og var inne i sin andre periode der då han vart vald inn på Stortinget i 2009 som 4. medlem frå Aust-Agder. På Stortinget vart han medlem av Arbeids- og sosialkomiteen frå 20. oktober 2009 - 30. september 2013.
Frå 2007 til 2010 var han leiar i KrFU etter å ha vore nestleiar frå 2005. Kjell Ingolf Ropstad gjekk eitt år på allmennfag på Hornnes vidaregåande skule (2001-2002), men flytte etter det året over til Drottningborg vidaregåande skule og tok eksamen artium der i 2004. Frå 2005 studerte han jus på Universitetet i Oslo, og han er bachelor i jus og økonomi frå 2009.