Rysstad

Rysstad med Hylestad kyrkje sett frå søraust, ca 1885 - 1892.

Foto: Axel Lindahl (digitaltmuseum.no)

Rysstad i 2016.

Foto: Geir Daasvatn

Rysstad er ei grend og sentrum i Hylestad, som frå 1962 er ein del av Valle kommune. Hylestad kyrkje, Setesdalsmuseet sitt hovudkontor, Sølvgarden, Hylestad Auto og fleire andre bedrifter ligg her. Det er industriområde på Rysstadmoen. Riksveg 9 går gjennom Rysstad.

Historie

Det er gjort arkeologiske funn på Rysstad frå yngre steinalder (3 500-1 800 f. Kr.), frå folkevandringstida (500 e. Kr.) og vikingtida (ca. 900 e.Kr). Alfred Ryningen skriv i gards- og ættesoga for Hylestad at det er rimelig at Rysstad eksisterte som eigen gard iallefall så tidleg som då Olav den heilage fall på Stiklestad (1030). I skriftlege kjelder er garden nemnd frå slutten av 1500-talet.

Fram til noko før 1613 var Rysstad truleg ein gard. Ein Knut skal ha vore eigaren. Så vart garden delt i to. Ånund Knutsson skal ha eigd den sørlegaste delen, og Sigurd Gunnarsson den nordlege.

Det var mange husmannsplassar på Rysstad, truleg 22 alt i alt. Den eldste ein kjenner til var Flådøl, som blei rydda i 1730-åra.

Kjelder

• Alfred Ryningen, Valle kommune I Gards- og ættesoge Hylestad, utgjeve av Valle kommune, 1985, side 264 flg.