Lauvdalsodden

Lauvdalsodden.

Foto: Reidar Tveito

Rindeberg med den vesle øya som skipet til Olav den Heilage etter segna skal ha skore ut på veg frå Åseral mot Bygland og kampen mot Kong Hane.

Foto: Reidar Tveito

Lauvdalsodden er eit nes som stikk ut i Byglandsfjorden vest for busetnaden på Lauvdal i Bygland, der fjorden eit lite stykke gjer ein sving mot vest.

Fornminne

På odden ligg det eit heilt felt med gravrøyser. Fem er rundhaugar. Den sjette, den største, er ein langhaug som er ca. 30 meter lang og dominerande i landskapet. I følge segna skal den svære røysa ha blitt bygd som vern mot Olav den Heilage. Rindeberg er ein særmerkt stad lengst vest på Lauvdalsodden, som det også er knytta segn om Olav den Heilage til. Innan synsvidde ligg gravrøysa på Nånesodden.

Sjå også

• Gravrøyser ved Byglandsfjorden

Kjelder

• Gardskart på nett
• Frans-Arne H. Stylegard, Arkeologi i nord, artikkel på bloggen hans, dagsett 24. januar 2005
• Jan Henning Larsen, Gravene og bosetningen, artikkel i Spor i Setesdalsjord, utgjeve av Aust-Agder fylkeskommune/Setesdalsmuseet, Bokbyen Forlag, 2014, side 64
• Johannes Skar, Gamalt or Sætesdal, band 2

Eksterne lenker

• Geir Daasvatn sine bilete frå Lauvdalsodden på Flickr

Kart

Laster kart ...