Raudevja: Skilnad mellom versjonar
s Lagt til en kategori |
s Rettet skrivefeil i bildetekst |
||
| (Éin mellomversjon av den same brukaren er ikkje vist) | |||
| Line 1: | Line 1: | ||
[[Fil:Austad Bygland 110818-2.jpg|miniatyr|høyre|Austad sett frå toppen av [[Reiårsfossen]]. Ein ser Skeievja som skjer seg inn frå Otra mot høgre, og Raudevja på | [[Fil:Austad Bygland 110818-2.jpg|miniatyr|høyre|Austad sett frå toppen av [[Reiårsfossen]]. Ein ser Skeievja som skjer seg inn frå Otra mot høgre, og Raudevja på nordsida av Skeievja. {{Byline|[[Geir Daasvatn]]}}]] | ||
'''Raudevja''' er ei lita evje, ei vik, i [[Skeievja]] i [[Otra]] på [[Austad]] i [[Bygland]]. | '''Raudevja''' er ei lita evje, ei vik, i [[Skeievja]] i [[Otra]] på [[Austad]] i [[Bygland]]. | ||
| Line 27: | Line 27: | ||
[[Kategori:Stadnamn i Bygland]] | [[Kategori:Stadnamn i Bygland]] | ||
[[Kategori:Segner]] | [[Kategori:Segner]] | ||
[[Kategori:Austad]] | |||
Siste versjonen frå 31. desember 2024 kl. 18:37
Raudevja er ei lita evje, ei vik, i Skeievja i Otra på Austad i Bygland.
Namnet
Harde-Aslak er etter Reidar Vollen i Bygland gard og ætt segnfiguren framfor nokon frå Austad. Harde-Aslak skal ifølge eitt av segna ha drepe Kallhovden, ein bonde og kjempekar på garden Kallhovd i Hornnes. Etter drapet gav Aslak seg på heimvegen, som var over heiene vest for Otra-dalføret. På Austegards-heia i Åseral tok dei to sønene til Kallhovden han att, og drap han der.
Då Aslak ikkje kom heim, for mor hans avgarde for å leite. Ho fann liket hans ein søndags morgon, plukka saman likdelane i ein sekk og for på heimvegen med sekken på ryggen. Heime på Austad vaska ho liket i ei lita evje i elva, tett attmed kyrkja. Evja vart raud av blod, og fekk etter det namnet «Raudevja». Liket vart grave ned på Ækrejordet.
I gards- og ættesoga for Hornnes er segnet attgjeve slik:
«De sille vere ein småkongje på Kallot i gamle daga. Så kom det ein anna småkongje og drap`an. Då dei to sønin`ans kom heim og såg at far deiras var drepen, sinna dei seg opp å sette ette. Dei sto`an att på Åseralsheian, å der fekk dei hemna sæg. Dei fekk drep`an.»
Staden i Austegard der Aslak blei drepen skal heite «Hard-Aslak» den dag i dag. I nærleiken renn «Hard-Aslaksbekken».
Om ein Harde-Aslak verkeleg har levd på Austad veit ein ikkje sikkert. Men Reidar Vollen skriv at det finst tradisjon for at han skal ha vore ein historisk person. Det meste i sogene om han må uansett vere dikting, understrekar Vollen.
Kjelder
- Reidar Vollen, Bygland gard og ætt, bind III, utgjeve av Bygland kommune, 2005, side 34
- Johannes Skar, Harde-Aslak. Dyreskidi i Austad-Kyrkja, artikkel i vekebladet Fedraheimen, 23. mars 1878
- Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 206
- Johannes Skar, Gamalt or Setesdal, bind I, side 257
- Tarjei Liestøl, Åseral Gard og Ætt, bind I, utgjeve av Åseral bygdesogenemnd, 1976, side 415