Valle Radio 25. januar 2012

Valle Radio 25. januar 2012 er nettsida til sendinga i Valle Radio onsdag 25. januar 2012 klokka 18. Teknikar var Inga Flateland. Denne kvelden overførte ein januarmøtet i Valle kommunestyre. Etter at kommunestyremøtet var slutt, hadde Ole Birger Lien ein prat med nokre av politikarane om møtet og ei oppsummering av sakene.

Program i kommunestyrehandsaminga

• Orientering: Pleie og omsorg ved Aina C. Oksholen. Tema: Etisk kompetanse i pleie og omsorg
• Grunngjevne spørsmål frå Steinar Kyrvestad:

1. Kan ordføraren sørge for at kommunestyret blir informert om interkommunale helseprosjektet i regionen? Vil gjerne ha folk frå sjukehuset til å orientere. Ordføraren orienterte om at felles kommunestyremøte 15. desember 2011 hadde ei slik orientering. Det kan vere høveleg å ha slik orientering kvart halvår. Det vil vere høveleg å ha ei slik orientering i augustmøtet.
2. Ferietur for brukarar i habiliterting. Det er planar om å spare i lovpålagde tenester og at ein difor vil fjerne dette. Forslag om at ein i dag vedtek at dette vert oppretthalde. Ordføraren opplyste at kuttet alt skjedde i 2011, og ikkje vart teke opp att i 2012. Ordføraren ville ikkje behandle forslaget i dette møtet, men ville sende det over til administrasjonen for utgreiing.

PS 1/12 Referatsaker

• RS 1/12 Ny oppnemning av medlemar i villreinnemnda for Setesdalsregionen for 2012-2015.
• RS 2/12 Oppnemning av kandidatar til regionalt styre for verneområda i Setesdal Vesthei, Ryfylkeheiane og Frafjordheiane.

PS 2/12 Førespurnader

• Kim Pedersen: Er kommunen ein pådrivar i høve til straum til Bjørnevassområdet? Ordføraren svarte at det er under legging ein kabel opp dalen, både straum og fiber. Dette vert gjort i høve til utbygginga av Valle Sør og Nord. Valle Infrastruktur fylgjer opp denne saka.
• Toralf Andersen: Vi treng ein forvaltningsrevisjon i Valle kommune. Kva meiner ordførar og rådmann? Ordføraren svarte at Kontrollutvalet alt har teke initiativ i denne saka og at han vil føre spørsmålet vidare til Kontrollutvalet. Rådmannen var samd i dette.
• Margit Dale: Kan ein få opp eit handikap-skilt ved rampa opp til idrettshallen og at snøen vert fjerna. Ordføraren svarte at det truleg var ein sak for vaktmeisteren og rådmannen ville ta saka med seg.
• Hildeborg Homme: Kan politikarane vurdere å setje i sving skibuss til Brokke frå Valle og Rysstad? Ordføraren syntest det var ein god idé og ville sende det over til det nye oppvekst- og kulturutvalet. Ho hadde og eit spørsmål om sjukefråver kunne publiserast avdelingsvis. Rådmannen svarte at leiargruppa hadde dette oppe på alle møtene og kunne splitte det opp, men at det ikkje var tilgjengeleg i dette møtet.

PS 3/12 Oppretting av oppvekst- og kulturutval.

• Astrid Kyte, Hildeborg Homme, Tarald Myrum og Steinar Kyrvestad hadde ordet.

PS 4/12 Samarbeidsavtalar med SSHF

• Steinar Kyrvestad og Tarald Myrum hadde ordet.

PS 5/12 Interkommunalt helseprosjekt i Setesdal

• Prosjektrapport frå prosjekt Psykisk helse og rus. Frode Verpe og Bjørgulv T. Berg var inhabile, dei hadde sete i gruppa som arbeidde ut prosjektrapporten.

PS 6/12 Markering og feiring av 17. mai i Valle kommune

• Bjørgulv T. Berg, Astrid Kyte, Tarald Myrum og Sissel Åkre hadde ordet.

PS 7/12 Tilsynsrapport Valle skule 2010/2011

• Ingen tok ordet.

PS 8/12 Tilsynsrapport for Hylestad skule 2010/2011

• Steinar Kyrvestad hadde ordet.

PS 9/12 Konsesjonskraftfondet for Aust-Agder IKS. Endring av selskapsavtale.

• Ingen tok ordet

PS 10/12 Fullføring av fibernettubygging og eigarskap til nettet

Denne saka vart lukka.

Musikk

• 19.25 Musikk-mellomspel medan sakshandsaminga vart gjort ferdig.

Oppsummering ved Ole Birger Lien

Oppsummeringa starta klokka 20:40.

Tarald Myrum, Steinar Kyrvestad og Toralv Andersen var med i samtalen, som fyrst tok opp det nye oppvekst- og kulturutvalet i Valle. Tarald Myrum meinte at i større kommunar med mange tilsette, kan idear brynast. Politikarane kjem nærare desse sakene med eit eige utval.

Toralf Andersen, som ville ha full forvaltningsrevisjon, meinte at kommunen i siste periode hadde surfa noko lettvint i sakene. Ein revisjon vil vere eit gode for alle partar, meinte han, og rekna med at saka kom tilbake til kommunestyret når kontrollutvalet hadde handsama henne. Arbeiderpartiet har ikkje medlemmer i kontrollutvalet i Valle.

Sendinga var slutt 20:45.

Kjelde

Det som er skrive, kom direkte som referat frå møtet.

Eksterne lenker

• Lenke til dokument hos www.valle.kommune.no